Site Specific emanaldiak
Espazio eta jendarte batera egokitutako emanaldiak
Biran
Azken urteetan Metrokoadroka kolektiboan ildo berri bat jarri dugu martxan: Site Specific erako proiektuak, espazio eta denbora bati egokitutako sormen prozesuak eta emanaldiak. Proiektu hauek kalean (herri bateko espazio ezberdinetan, naturako espazioetan) zein espazio itxietan (antzokietan) egin ditugu, ezaugarri komun hauekin:
-Espazioari buruzko dokumentazio lana, alderdi humanoa eta historikoa uztartuz.
-Espazio hori habitatzen duen jendartearekin elkarlana egun batzuetan.
-Sormen prozesu bat, kolektiboko artistak eta proiektu bakoitzerako artista gonbidatuak elkarlanean jarriz.
-Mediazioak herriko/antzokiko eragileekin prozesuan zehar.
-Prozesuaren amaieran egindako lanaren espresio artistiko/eszenikoa, egun bakarrean edo asteburu oso batean zehar.
-Egindako lanaren dokumentazioa eta transmisioa (liburu, argazki, dokumental, emanaldien grabaketa…).
Orain arte egindako lanak:
Txolarte (2020)
Eragileak: Oiartzungo Hitzen Lihoa + Metrokoadroka.
Espazioa: Oiartzungo Eliza.
Ikus informazio guztia HEMEN.
Modelo baten bizitza sekretua (2020)
Eragileak: Zarauzko Literaturia + Metrokoadroka.
Espazioa: Modelo antzokia bere osotasunean.
Ikus informazio guztia HEMEN.
Aldarri (2019)
Eragileak: Eztena Arte Eszenikoen jaialdia + Errenteriako Udala + Metrokoadroka
Espazioa: Errenteria/Oreretako kaleak, erdigunea eta Beraun auzoa.
Ikus informazio guztia HEMEN
Zauri Bolodia (2019)
Eragileak: Dantzerti + Metrokoadroka
Espazioa: Dantzertiko auditorioko eszenatokia eta inguruko pasabide eta espazio txikiak.
Ikus informazio guztia HEMEN
Zanbuia (2018)
Eragileak: Eako Poesia Egunak + Eako herritarrak + Metrokoadroka
Espazioak: Eako erdigunea, hondartza, portua.
Ikus informazio guztia HEMEN.