“ZAURI BOLODIA performancea” Txalapartak plazaratutako liburu hibridoan inspiratua dago, ekintza artistikoak antzerkia eta bizitzari buruzko gogoetekin uztartua eta irudi poetiko eszenikoekin osatua.

“ZAURI BOLODIA performancea” noizean behin egingo dugun proiektua da, lekuak, egoerak edo proposamenak interesa pizten digun heinean. Helburua aldiro lekuaren arabera egokituko den “Site specific” emanaldia egitea da. Ezaugarri hauekin:

-Antzokietan edota espazio itxietan egiteko modukoa performancea.

-Aldiro performanceak aldiro antzekoa izango den oinarri bat edukiko du, baina leku bakoitzean egindako lanaren arabera aldatuko eta egokituko dena.

-Performancean publikoari ibilbide bat proposatzen zaio, lan egingo den espazioko sormen txoko ezberdinetatik. Ibilbideko geltoki bakoitzean pieza artistiko bat eskainiko du artista ezberdin batek.

-Zauri Bolodia pertsonaiaren testuek ematen diete lotura pieza artistikoei, gertutasuna eta gogoeta uztartuz. Aldiro ezberdinak izango dira testu horiek.

-Ibilbideko pieza artistiko laburrak Metrokoadroka kolektiboko artista ezberdinek egingo dituzte, espaziora egokituak. Aldiro artista horien zerrenda aldatu daiteke. Espazio bakoitzean artista berriak gonbidatuko dira, artista berriekin kolaborazioak egiteko laborategia ere izango da performance hau.

-Emanaldiaren aurretik taldeak 2-3 egun emango ditu Metrokoadrokak espazioan lanean (emanaldiaren eguna, gehi beste 1 edo 2).

Aurrekariak

Lehenengo proba Bilboko Dantzertin izan zen. Bertako auditorioan publikoarentzat ibilbide bat sortu genuen, Oier Guillanek errezitatutako “Zauri Bolodia” pertsonaiaren gutun bat tartekatuta. Pieza artistikoak honako lagun hauek sortu zituzten: Javi Barandiaran, Idoia Beratarbide, Asier Sarasola, Maite Aizpurua, Ainhoa Alberdi.

Ikus HEMEN Agus Perezek idatzitako kritika, eta ikus argazkiak jarraian: